"პადის სახელს არც უნდა ახსენებდეთ" - არმან ცარუკიანი

მსუბუქ წონაში საინტერესო ვითარებაა. ჩემპიონი ილია თოფურიას პოტენციურ მეტოქეებად არმან ცარუკიანი და პადი პიმბლეტი მოიაზრებიან.

სომეხი ინგლისელს რეიტინგში უსწრებს და სატიტულო ბრძოლის მისაღებად საკუთარი არგუმენტი აქვს. პადის კი ილიასთან დაპირისპირების ისტორია აქვს და მათი ჩხუბის გაყიდვა კარგად შეიძლება.

ამის საპირწონედ არმანი ამბობს, რომ განვილილი ჩხუბების გათვალისწინებით, პიმბლეტი რეიტინგში საერთოდ არ უნდა იყოს.

შეგახსენებთ, რომ არმან ცარუკიანს ჩემპიონის ქამარზე ჩხუბის შანსი ჰქონდა. ეს ჯერ კიდევ ისლამის ჩემპიონობის დროს იყო. თუმცა, სომეხი ჩხუბს წელის ტრავმის გამო ჩაეხსნა.