"მომწონს მახაჩევი, მე სხვა რაღაცამ გამაღიზიანა" - დვალიშვილი
8 საათის წინ
სხვა
1 წთ
მერაბ დვალიშვილი ისლამ მახაჩევის კომენტარს გამოუეხმაურა, რომელიც მედიასთან საუბრისას გააკეთა. დვალიშვილმა განმარტა, რომ მახაჩევის საწინააღმდეგო არაფერი აქვს და დეტალურად ახსნა თუ რამ აღაშფოთა.
ახლახან ვნახე ისლამ მახაჩევის ვიდეო იმასთან დაკავშირებით, თუ როგორი რეაქცია მქონდა იან გარისთან მისი ორთაბრძოლის ყურებისას.
მაგრამ ამ ვიდეოში შეგიძლიათ ნახოთ ჩემი რეალური რეაქცია ისლამის ბრძოლის დროს და მის შემდეგ. როგორც ხედავთ, ბრძოლის დასრულებისთანავე მივულოცე ისლამს. მას ასევე მივულოცე ჩემს სოციალურ ქსელებში - X-სა და Threads-ზე.
კიდევ ერთხელ მინდა მკაფიოდ აღვნიშნო: მე მომწონს ისლამ მახაჩევი. ვთვლი, რომ ის არის დიდი და თავმდაბალი ჩემპიონი. პატივს ვცემ იმ მთელ შრომას, რაც მან საკუთარ კარიერაში ჩადო და მის მიმართ მხოლოდ პატივისცემა მაქვს.
მაგრამ როდესაც ვნახე, რომ მისმა გუნდმა ოქტაგონზე რუსეთის დროშა შეიტანა, აღვშფოთდი. ამ რეაქციის პირველი მიზეზი ის არის, რომ UFC-ში ჩემი ხუთივე სატიტულო ბრძოლის დროს, არასდროს მომცემია უფლება, გალიაში ჩემი ქართული ან ამერიკული დროშა შემეტანა.
მეორე მიზეზი კი ჩემთვის ძალიან პირადულია იმის გამო, რაც რუსულმა პოლიტიკამ და რუსეთის მთავრობამ ჩემს ქვეყანას გაუკეთა. რუსეთს ოკუპირებული აქვს საქართველოს ტერიტორიის დაახლოებით 20%, და არსებობს ქართველი ხალხის წინააღმდეგ მიმართული ომის, ოკუპაციისა და ტანჯვის ისტორია. რუსეთი ასევე პასუხისმგებელია საშინელ ძალადობაზე ჩეჩნეთში და ისინი დღესაც კლავენ ადამიანებს უკრაინაში.
ასევე მინდა ერთი რამ ძალიან მკაფიოდ განვმარტო: მე არ მძულს რუსი ხალხი. მე მძულს რუსული პოლიტიკა და რუსეთის მთავრობა. ჩემი პრობლემა მთავრობასა და მის ქმედებებთანაა და არა რიგით რუს ადამიანებთან.
რაც შეეხება კავკასიის ხალხებს — დაღესტანს, ჩეჩნეთს, ინგუშეთსა და რეგიონის სხვა ნაწილებს — მათ აქვთ საკუთარი იდენტობა, კულტურა და ისტორია. მე პატივს ვცემ კავკასიელ ხალხს.
ასე რომ, კიდევ ერთხელ ვამბობ: ეს არასდროს ყოფილა ისლამის წინააღმდეგ მიმართული პერსონალურად.
და ბოლო, რაც მინდა ვთქვა: რუსული მედია ყოველთვის მისვამს პროვოკაციულ კითხვებს და ისინი არასდროს თარგმნიან ამ ვიდეოს პატიოსნად, ან არ აჩვენებენ იმას, რასაც სინამდვილეში ვამბობ, რადგან ეს არ ჯდება იმ ნარატივში, რომლის შექმნაც მათ სურთ.
რეალობა ის არის, რომ რუსეთის მთავრობა არის დიქტატურა და კორუმპირებული. იქ არ არსებობს სიტყვის თავისუფლება და თუ რაიმეს გააპროტესტებ, ციხეში მიდიხარ. ეს არის ფაქტები - წერს მერაბ დვალიშვილი
შეგახსენებთ, რომ მერაბისა და იანის მესამე ჩხუბი აბუ დაბიში 24 ოქტომბერს გაიმართება. დვალიშვლმა ჩემპიონის ტიტული სწორედ პიოტრის წინააღმდეგ წააგო და რევანშის კარგი შანსი აქვს. აქვე იმასაც აღვნიშნავს, რომ დვალიშვილსა და იანს შორის ანგარიში 1:1 არის.
სხვა სტატიები
