"ილიას მარტივი ბრძოლა სჭირდება, მე შემახვედრეთ" - რენატო მოიკანუ

UFC-ს მედია დღეზე რენატო მიუკანუმ სახალისო განცხადება გაავრცელა. მან თქვა, რომ დიდი ხანი ბრძოლას აღარ აპირებს და მზადაა ილია თოფურიას შეხვდეს. როგორც უკვე კარგად ვიცით, ბრაზილიელს ფული ძალიან უყვარს და მუდამ "Money Fight"-ს ითხოვს. მოიკანუმ UFC-ს გამოსავალი შესთავაზა. რადგან ილიას დასაბრუნებლად მარტივი ბრძოლა სჭირდება, ბრაზილიელი მზადაა "მატადორს" თავად შეხვდეს.

რენატო მოიკანუს მომავალი მეტოქე ტომ ნოლანი იქნება, რომელსაც პირველ ნოემბერს გამთენიისას დაუპირისპირდება. ბრაზილიელი ამ ჩხუბში ფავორიტად მიიჩნევა და მშვენიერი შანსი აქვს მოგებათა სერია სამამდე გაზარდოს.