ილია თოფურია: 'ყველაფერი ავისრულე, ახლა კრივის ჩემპიონთან შეხვედრა მინდა'

UFC-ის 2 დივიზიონის ჩემპიონმა, ილია თოფურიამ სამომავლო გეგმებზე ისაუბრა. მისი თქმით, ესპანეთში შერეული საბრძოლო ხელოვნების ჩასვლა (შეჯიბრის ჩატარება UFC-ის მიერ) „ბევრად ახლოსაა, ვიდრე ერთი შეხედვით ჩანს“ და განაცხადა, რომ ეს „აუცილებლად“ 2026 წელს მოხდება. მან განცხადება მადრიდში, Nueva Economía Forum-ის მიერ ორგანიზებულ საინფორმაციო საუზმეზე გააკეთა, სადაც გულშემატკივრებს იმაშიც გამოუტყდა, რომ კრივში გადასვლა სურს და სამგზის უდავო ჩემპიონის, ტერენს კროუფორდის დამარცხებას ისახავს მიზნად.

შეგახსენებთ, რომ ტერენს კროუფორდმა კანელო ალვარესი დაამარცხა და სუპერსაშუალო წონის ტახტზეც ავიდა. აღსანიშნავია, რომ კროუფორდი გახდა პირველი კაცი მოკრივე, რომელიც ჩემპიონი 3 განსხვავებულ წონით კატეგორიაში გახდა (სუპერმსუბუქი, ქვემსუბუქი და სუპერსაშუალო).

ტერენს კროუფორდს პროფესიონალურ კარიერაში 42 ბრძოლა აქვს ჩატარებული და არცერთხელ დამარცხებულა. ამერიკელმა მოკრივემ ილია თოფურიაზე განაცხადა, რომ მისი არცერთი ბრძოლა ნანახი არ აქვს და სერიოზულად არ აღიქვამს.