დვალიშვილს წლის საუკეთესო მებრძოლის ჯილდო 16 ივლისს გადაეცემა

შაბათს საღამოს, UFC ნეშვილის ტრანსლაციის დროს გამოცხადდა, რომ მერაბ დვალიშვილმა 2025 წლის ESPY წლის მებრძოლის ტიტული მოიპოვა. „მანქანამ“ ნომინანტთა სიას აჯობა, რომელთა შორისაც იყვნენ: ჩემპიონი კაილა ჰარისონი, საშუალო წონის მეფე დრიკუს დუ პლესი და მსუბუქი წონის ყოფილი ჩემპიონი ისლამ მახაჩევი.

2025 წლის ESPYS-ის დაჯილდოება 16 ივლისს, ლოს ანჯელესში, დოლბის თეატრში გაიმართება და მას კომიკოსი და მსახიობი შეინ გილისი წაიყვანს. 2024 წელს ეს პატივი შონ ო’მალიმ მიიღო. ჯილდოები მოიცავს პერიოდს 2024 წლის 1 ივლისიდან 2025 წლის 20 ივნისის ჩათვლით.

დვალიშვილს UFC-ში 13-ბრძოლიანი მოგებათა სერია აქვს. ქართველმა ქამარი გასული წლის სექტემბერში, "UFC ნოჩეზე" ო’მალის წაართვა, შემდეგ კი ეს ქამარი იანვარში, UFC 311-ზე, ხუთრაუნდიანი გადაწყვეტილებით დაიცვა და აქამდე დაუმარცხებელ უმარ ნურმაგომედოვს აჯობა. ბოლოს მან ო’მალი UFC 316-ზე რემატჩის მესამე რაუნდში დაამარცხა.