ვიქტორ ვემბანიამა 2-3 კვირას გამოტოვებს

სან ანტონიო სპურსმა, ორშაბათს საღამოს გამოაცხადა, რომ ვიქტორ ვემბანიამამ პარასკევს, გოლდენ სტეიტთან მატჩის დროს, მარცხენა წვივის კუნთის დაჭიმულობა მიიღო. ეს მძიმე დარტყმაა 21 წლის ფრანგი ცენტრისთვის, რომელიც მინიმუმ ორი-სამი კვირის განმავლობაში გამოტოვებს თამაშებს.

ვემბანიამამ უკვე გამოტოვა საკრამენტოსთან მატჩი (123:110 გამარჯვება). იმავე დღეს, მაგნიტურ-რეზონანსული ტომოგრაფიის ჩატარების შემდეგ, სან ანტონიომ განაცხადა: მას დაჭიმულობა აქვს და ორ-სამ კვირაში ხელახლა შეაფასებენ.

საკრამენტოსთან მატჩში ის ქუჩის ტანსაცმლით გამოჩნდა, რათა თანაგუნდელები გაემხნევებინა. სტატისტიკის ფურცლებით ხელში მთლიანად შეხვედრაზე იყო კონცენტრირებული და რჩევებსაც გასცემდა.