U16 კალათბურთელების წარმატება | ქართველები ნახევარფინალში არიან

4 წლის წინ კალათბურთი

1 წთ

კალათბურთის საერთაშორისო ფედერაციის ეგიდით 16-წლამდელთა ჩელენჯერის ტიპის ტურნირი მიმდინარეობს. ტურნირში საქართველოს 16-წლამდელთა ნაკრებიც იღებს მონაწილეობას, რომლებმაც ამ ეტაპისათვის საკმაოდ კარგი შედეგი დააფიქსირეს. დასრულდა ჯგუფური ეტაპი, რომლის შედეგად ჩვენი გუნდი 4 ნაკრებით დაკომპლექტებულ ჯგუფში, 2 მოგებითა და 1 მარცხით პირველ ადგილზე გავიდა. პირველ თამაშში ქართველი კალათბურთელები სლოვაკებთან 1-ქულის სხვაობით, ანგარიშით 76:77, დამარცხდნენ - შეხვედრის კულმინაცია მატჩის დასრულებამდე 9 წამით ადრე შედგა, როდესაც სლოვაკებმა დასკვნითი 3-ქულიანის რეალიზების შედეგად გაიმარჯვეს.

მეორე და მესამე შეხვედრაში კი ჩვენმა 16-წლამდელთა ნაკრებმა დამაჯერებელი შეხვედრები ჩაატარეს - ორივე შეხვედრა 10 ქულით მოიგეს, ჯერ კვიპროსი დაამარცხეს (76:86), ხოლო შემდეგ უნგრელები (51:61). ამრიგად, ქართველი კალათბურთელები ტურნირის ნახევარფინალურ ეტაპზე იმყოფებიან, სადაც მათი მეტოქე უკრაინის ნაკრები იქნება, მეორე ნახევარფინალური წყვილი კი პორტუგალიისა და უნგრეთის ნაკრებებით დაკომპლექტდა.

ზაზა კონცელიძე

სხვა სტატიები

თორნიკე შენგელია პლეი ოფის სერიის მეორე თამაშში დაბრუნდება

მაჰმუტოღლუ: "შევხვდები მეორედ შენგელიას და ვნახავთ რა შეუძლია..."