თორნიკე შენგელიამ ბარსელონას მაისურით რეკორდი დაამყარა
ევროლიგის მე-8 ტურის შეხვედრაში ბარსელონა ბელგრადში პარტიზანს ესტუმრა და 78:76 დაამარცხა.
მატჩში ყველაზე მეტი ქულა თორნიკე შენგელიამ დააგროვა და საუკეთესო მოთამაშეც (MVP) გახდა. ქართველმა კალათბურთელმა 29:45 წუთში 24 ქულა (5-დან 4 ორქულიანი, 3-დან 2 სამქულიანი, 12-დან 10 საჯარიმო), 5 მოხსნა, 5 შედეგიანი გადაცემა და 4 ჩაჭრა დააგროვა.
თოკო აღნიშნულ შეხვედრაში იმითაც გამოირჩა, რომ მისი მარგი ქმედების კოეფიციენტი 42-ს გაუტოლდა, ამ მაჩვენებლით ევროლიგაში 13-წლიანი ასპარეზობის მანძილზე პირადი რეკორდი დაამყარა.
ასევე აღსანიშნავია, რომ თორნიკე შენგელიამ ყველაზე მეტი ქულა სწორედ პარტიზანთან დააგროვა, მას შემდეგ რაც ის ბარსელონაში გადავიდა.
⭐️RÈCORD EUROPEU
— Esport3 (@esport3) November 1, 2025
🇬🇪 Tornike Shengelia va liderar la victòria del Barça a Belgrad firmant el seu millor partit a la història de l'Eurolliga.https://t.co/1jL0grZtuw
ბარსელონას ევროლიგის მიმდინარე სეზონში 5 მოგება და 3 მარცხი აქვს, კატალონიური გუნდი ამ შედეგით მე-8 ადგილზეა.
მომდევნო შეხვედრას ქართველი კალათბურთელის გუნდი ესპანეთის ჩემპიონატის (ACB) ეგიდით მურსიას წინააღმდეგ ჩაატარებს, მატჩი ხვალ, 2 ნოემბერს გაიმართება.
პარტიზანი VS ბარსელონა, შეხვედრის მიმოხილვა:
.70.webp)
სხვა სტატიები
.32.webp)
