Belive

თორნიკე შენგელია: "ჩვენ ვართ ის ბიჭები, რომლებმაც ისტორია დაწერეს"

1 წლის წინ კალათბურთი
2 წთ

საქართველოს კალათბურთელთა ნაკრების კაპიტანი და ლიდერი, თორნიკე შენგელია ისტორიაში პირველად მსოფლიოს ჩემპიონატზე გასვლის შემდეგ, ვრცელ პოსტს აქვეყნებს.

"26 თებერვალი!

ჩვენ ისტორია დავწერეთ!

პირველად, საქართველოს ისტორიაში, კალათბურთის ეროვნული ნაკრები მსოფლიოს საუკეთესოთა შორის იასპარეზებს!

ეს უდიდესი წარმატებაა ჩვენი ქვეყნისთვის, მაგრამ ამ ყველაფრისთვის ჩვენ ერთ დღე-ღამეში არ მიგვიღწევია, ამას საფუძველი დიდი ხნის წინ ჩაეყარა, რისთვისაც უდიდესი პატივი მინდა მივაგო და მადლობა გადავუხადო მთლიანი გუნდის სახელით, ყველა იმ ადამიანს, ვისაც მცირედი წვლილიც კი მიუძღვის ქართული კალათბურთისთვის, ვისი სახელი და გვარი ერთხელ მაინც გაჟღერებულა ჩვენს ეროვნულ ნაკრებში, ყველას დიდი მადლობა!!! დღეს ჩვენ ამ წარმატებას ერთად ვზეიმობთ.

მე ამაყი ვარ სამწვრთვნელო შტაბით, ექიმებით და სტაფით, რომლებიც 24/7 გაუჩერებლად მუშაობდნენ, რათა ხელი შეეწყოთ თითოეული ჩვენთაგანისთვის რომ ამ უდიდეს გამოწვევას საუკეთესო ფორმაში შევხვედროდით!

მე ამაყი ვარ ჩემი გუნდით, ძმებით, საკალათბურთო ოჯახით! მათი გვერდში დგომა მაიმედებს, რომ ყველანაირ გამოწვევას თავაწეულები შევხვდებით და უკან არაფერზე დავიხევთ!! ეს არის ჩვენი დამახასიათებელი თვისება და ამას ვერავინ ვერასდროს ვერ წაგვართმევს!

მინდა ვუთხრა მომავალ თაობას, რომ დღეს ჩვენ თამასა ძალიან მაღლა ავწიეთ. ეს მხოლოდ და მხოლოდ მოტივაცია უნდა იყოს თქვენთვის.

გახსოვდეთ, ყველაფერი რასაც აკეთებთ საკუთარი თავის განვითარებისთვის, სრულყოფილებას მხოლოდ მაშინ მიაღწევთ, როცა ამას ჩვენს ქვეყანას მოახმართ, მერწმუნეთ, ამას პირადი გამოცდილებით ვამბობ.

ამას კი მთელი გუნდის სახელით ვიტყვი… უდიდესი მადლობა ჩვენს გულშემატკივარს!!! დღესაც როგორც ყოველთვის, სასწაული ატმოსფერო იყო დარბაზში და ამ მიზნის მიღწევაში დიდი წვლილი თქვენ მიგიძღვით.. თქვენ ხართ ის ძალა და ენერგია რომელიც ყველაზე რთულ მომენტებში გვეხმარება, რომ ვიბრძოლოთ და დაწყებული საქმე ბოლომდე მივიყვანოთ!


და რაღა თქმა უნდა
მადლობა ღმერთს!

იმისთვის, რომ ვართ და ვიქნებით “ის ბიჭები, რომლებმაც ისტორია დაწერეს”

თქვენი კაპიტანი",
- წერს თორნიკე შენგელია სოციალურ ქსელში.


View this post on Instagram

A post shared by Tornike Shengelia (@tshengel1a)

სხვა სტატიები