შესაძლოა შენგელიამ ევრობასკეტის საწყისი ორი თამაში გამოტოვოს
თორნიკე შენგელია საქართველოს ნაკრებს საწყის მატჩებში ვერ დაეხმარება. აღნიშნულ ინფორმაციას ესპანური გამოცემა MARCA ავრცელებს.
შენგელიას გულის პრობლემები აწუხებს. ამავე წყაროზე დაყრდნობით საქმე არითმიას ეხება. როგორც ესპანელები წერენ, ექიმების ჯგუფმა თოკოს პირველ ორ შეხვედრაში დასვენება ურჩია. მიუხედავად ამისა, შენგელიას თამაში ნებისმიერ ფასად უნდა. გარკვეულ წყაროებზე დაყრდნობით, თოკო ესპანეთთან 100%-ით არ იქნება, იტალიასთან თამაში კი საეჭვოა.
🚑 COMUNICADO MÉDICO @FCBbasket
— 🏀 PICK AND ROLL TV | SalvatoRRR_OMG (@SalvatoRRR_OMG) August 25, 2025
La Federación de baloncesto de Georgia ha informado este lunes que Toko Shengelia es uno de los 13 jugadores convocados para disputar el Eurobasket, pero que seguirá un plan de trabajo especial debido a una arritmia detectada después del partido… pic.twitter.com/8hNw5741JJ
შეგახსენებთ, რომ საქართველოს კალათბურთელთა ეროვნული ნაკრები ევრობასკეტის ჯგუფურ ეტაპზე ესპანეთის, იტალიის, საბერძნეთის, კვიპროსისა და ბოსნიის წინააღმდეგ ითამაშებს.
ჯიკიჩის გუნდი გახსნით შეხვედრას 28 აგვისტოს 16:00 საათზე ესპანეთთან გამართავს. შემდეგი მატჩი 30 აგვისტოს, იმავე დროს იტალიის წინააღმდეგ შედგება. 31 აგვისტოს ასევე 16:00 საათზე საბერძნეთს შევხვდებით. 2 სექტემბერს 19:15 საათზე კვიპროსს, 4 სექტემბერს 16:00 საათზე ბოსნიას დავუპირისპირდებით.
სხვა სტატიები
