შერმადინის 8 ქულა, 7 მოხსნა - ტენერიფე ჩემპიონთა ლიგის ნახევარფინალშია
ფიბა-ს ჩემპიონთა ლიგის მოქმედი ჩემპიონი "ლენოვო ტენერიფე" ტიტულის დასაცავ გზაზე კიდევ უფრო დაწინაურდა. ტენერიფელებმა მეოთხედფინალური სერიის მე-3, გადამწყვეტ მატჩში “მანრესა” 84:72 დაამარცხეს და ნახევარფინალის საგზური მოიპოვეს.
😍 ¡¡¡Clasificados para la #FinalFour de la @BasketballCL por cuarta vez!!!
— Lenovo Tenerife (@CB1939Canarias) April 19, 2023
🤩 ¡Qué bonito es ser del Lenovo Tenerife!
💛 🖤 #VamosCanarias #LenovoTenerife #DefendTheGold pic.twitter.com/sK16vODjcU
გუნდებმა საწყის ორ მატჩში მოგებები გაცვალეს. გადამწყვეტი შეხვედრა კუნძულ ტენერიფეზე გაიმართა. მასპინძლები უპირატესობას თავიდანვე დაეუფლნენ და მატჩი ისე მიიყვანეს გამარჯვებამდე, საკუთარი უპირატესობა ეჭვქვეშ წუთითაც არ დაუყენებიათ. ამის ერთ-ერთი მიზეზი გიორგი შერმადინის კარგი თამაშია, რომელიც ამჯერად MVP ვერ გახდა, თუმცა გამარჯვებაში საკუთარი წვლილი შეიტანა.
შერმადინმა მატჩი სასტარტო შემადგენლობაში დაიწყო და მოედანზე გატარებულ 18 წუთში 8 ქულა, 7 მოხსნა და 2 შედეგიანი გადაცემა მოაგროვა. ქართველმა ცენტრმა 3-დან 3 ორქულიანი და 3-დან 2 საჯარიმო ჩააგდო. მისმა სარგებლიანობის ინდექსმა კი 15 შეადგინა.
ოთხთა ფინალში ტენერიფესთან ერთად იერუსალიმის "ჰაპოელი", ესპანური "უნიკახა" და გერმანული "ტეპეკომი" გავიდნენ. ოთხთა ფინალი 12-13 მაისს გაიმართება.
სხვა სტატიები
