სერხიო ლულმა ევროლიგის ყველა დროის სამქულიანების რეკორდი მოხსნა
სერხიო ლულმა ევროლიგის ყველა დროის სამქულიანების რეკორდი მოხსნა. ეს ისტორიული შემთხვევა მადრიდის "რეალსა" და "ბასკონიას" შორის გამართულ მატჩში მოხდა. ლულმა აღნიშნულ შეხვედრაში 2 სამქულიანი ჩააგდო და კარიერის განმავლობაში ეს მისთვის 624-ე იყო, რომელიც მთლიანად ევროლიგის რეკორდია, მან ამ მაჩვენებლით ხუან კარლოს ნავაროს გადაასწრო.
ევროლიგის მასშტაბით ყველაზე მეტი ჩაგდებული სამქულიანის ავტორების სია ასე გამოიყურება:
სერხიო ლული - 624
ხუან კარლოს ნავარო - 623
სერხიო როდრიგესი - 602
რუდი ფერნანდესი - 593
სკოტი ვილბეკინი - 588
ევროლიგაში ესპანელი კალათბურთელი საშუალოდ 1.5 სამქულიანს აგდებს.
LA MANDARINA with the ALL TIME 3 point scoring record in the EuroLeague! 🍊#MotorolaMagicMoment l @Moto l @23Llull pic.twitter.com/LT3a90WYDR
— Turkish Airlines EuroLeague (@EuroLeague) April 23, 2024
კარგია, საოცარი რამ მოხდა. გასაოცარია ისეთი ლეგენდის გავლა, როგორიც ნავაროა. მე ნამდვილად ბედნიერი ვარ, მაგრამ უფრო ბედნიერი ვარ მოგებით. ვფიქრობ, ყველაზე მნიშვნელოვანი ის არის, რომ ამ სერიას 1:0 ვიგებთ და ახლა ჩვენ მომდევნო მატჩზე, ხუთშაბათს გასამართ შეხვედრაზე უნდა გავამახვილოთ ყურადღება. - სერხიო ლული
"რეალ მადრიდმა" პლეი ოფის პირველი შეხვედრა "ბასკონიას" წინააღმდეგ გამართა და მადრიდელებმა 90:74 გაიმარჯვეს. მომდევნო მატჩი ხვალ (ხუთშაბათს) გაიმართება.