სანდრო მამუკელაშვილი საქართველოს საკალათბურთო ნაკრებს შეუერთდა

საქართველოს საკალათბურთო ნაკრები ევრობასკეტისთვის ემზადება. ამხანაგურ მატჩებსა და სამწვრთნელო პროცესში აქამდე სანდრო მამუკელაშვილი ჩართული არ იყო, დღეს კი ცნობილი ხდება, რომ ტორონტო რეპტორსის ახალწვეული ჩვენს გუნდს შეუერთდა.

ნაკრებს აქვს დანაკლისიც - კაპიტანი, თორნიკე შენგელია, პირადი მიზეზის გამო ესპანეთში გაემგაზავრა და გუნდს მოგვიანებით, ჩეხეთში შეუერთდება. ბარსელონას მოთამაშე ლიეტუვასთან ამხანაგურ მატჩში მონაწილეობას ვერ მიიღებს.

მამუკელაშვილი ნაკრებთან ერთად პირველ ვარჯიშს ლიეტუვის ქალაქ კაუნასში 9 აგვისტოს ჩაატარებს. 10-ში ლიეტუვასთან ამხანაგური შეხვედრაა, ბოლო ტესტ-მატჩი კი 21 აგვისტოს ჩეხეთთან გვექნება.

საქართველოს ნაკრები, ევრობასკეტის ჯგუფური ეტაპის პირველ მატჩს 28 აგვისტოს, ესპანეთის ნაკრებთან ჩაატარებს.