ნიკოლა იოკიჩის სუპერ მატჩი | დენვერმა ზედიზედ მე-6 შეხვედრაში იმარჯვა

დენვერ ნაგეთსის მოგებათა სერია 6 მატჩამდე გაიზარდა - დევიდ ადელმანის გუნდმა ლოს ანჯელეს კლიპერსი სტუმრად 14-ქულიანი სხვაობით, ანგარიშით 130:116 დაამარცხა. აქვე ისიც უნდა აღინიშნოს, რომ ეს კლიპერსისთვის ზედიზედ მე-6 წაგება იყო.

საოცარი შეხვედრა ჩაატარა ნაგეთსის ლიდერმა ნიკოლა იოკიჩმა, რომელმაც 33 წუთში 55 ქულა, 12 მოხსნა, 6 შედეგიანი გადაცემა, 1 ჩაჭრა და 1 დაფარება მოაგროვა. მხოლოდ პირველ მეოთხედში მის ანგარიშზე 25 ქულა იყო.

სერბმა ცენტრმა 6-დან 5 სამქულიანის, 17-დან 13 ოქრულიანისა და 16-დან 14 საჯარიმოს ჩაგდება შეძლო.

ერთ მატჩში ჩაგდებული 55 ქულა იოკიჩის კარიერაში მე-3 საუკეთესო შედეგია (მისი პირადი რეკორდი 61 ქულაა, მიმდინარე წლის პირველ აპრილს, მინესოტას წინააღმდეგ).

კლიპერსის რიგებში 23 ქულით, 8 მოხსნითა და 5 პასით ჯეიმს ჰარდენი გამოირჩა.

დენვერ ნაგეთსი, რომელიც 9 მოგებითა და 2 წაგებით დასავლეთ კონფერენციის მე-2 პოზიციაზეა, მომავალ მატჩს კვირას, 16 ნოემბერს, მინესოტა ტიმბერვულვზის წინააღმდეგ გამართავს.