ფენერბაჰჩეს წინააღმდეგ მარკის რიდი საუკეთესო იყო

თურქეთის საკალათბურთო სუპერლიგის 27-ე ტურის შეხვედრაში ტრაბზონსპორი ფენერბაჰჩესთან 93:90 სტუმრად დამარცხდა.

საქართველოს ნატურალიზებულმა მოთამაშემ მარკის რიდმა 36:08 წუთი ითამაშა და მატჩში ყველაზე შედეგიანი კალათბურთელიც იყო. მარკისმა 31 ქულა (14-დან 10 ორქულიანი, 12-დან 11 საჯარიმო), 8 მოხსნა, 4 შედეგიანი გადაცემა და 3 ჩაჭრა მიითვალა.

ფენერბაჰჩედან 21 ქულით ტარიკ ბიბეროვიჩი გამოირჩა.

ტრაბზონსპორი 44 ქულით (17 მოგება, 10 მარცხი) მე-5 პოზიციაზეა. მომდევნო შეხვედრას მარკის რიდის გუნდი 26 აპრილს გალათასარაის წინააღმდეგ გამართავს.