ფინალების MVP - თორნიკე შენგელია იტალიის ჩემპიონია

იტალიის საკალათბურთო ჩემპიონატის ფინალური სერიის მე-3 შეხვედრაში ვირტუს ბოლონიამ ბრეშა 22-ქულიანი სხვაობით, ანგარიშით 96:74 დაამარცხა და ქვეყნის ჩემპიონი გახდა.

მორიგი საოცარი მატჩი ჩაატარა თორნიკე შენგელიამ, რომელმაც 31 ქულას, 9 მოხსნას და 5 შედეგიან გადაცემას მოუყარა თავი. მისმა მარგი ქმედების კოეფიციენტმა 46 შეადგინა, რაც ორივე გუნდის შემადგენლობაში, რა თქმა უნდა, საუკეთესო მაჩვენებელია.

თოკომ შეხვედრაში 4-დან 4 სამქულიანის, 8-დან 7 ორქულიანისა და 5-დან 5 საჯარიმოს ჩაგდება შეძლო.

საქართველოს ეროვნული ნაკრების კაპიტანი ფინალური სერიის საუკეთესო მოთამაშედაც დასახელდა.

ვირტუსმა იტალიის ჩემპიონობა მეჩვიდმეტედ იზეიმა, ბოლონიური გუნდი ამ მხრივ მხოლოდ მილანს (31) ჩამორჩება.