ბარსამ რეგულარული წაგებით დაასრულა | პლეი-ოფში მეტოქე ცნობილია

34 მატჩის შემდეგ დასრულდა ლიგა ენდესას რეგულარული სეზონი. ბარსელონამ ბოლო ტურში ვალენსიას უმასპინძლა და 77:102 დამარცხდა. ამ მარცხის შემდეგ ბარსას 24 მოგება და 10 წაგება დაუგროვდა, რამმაც გუნდი მეხუთე ადგილზე გაიყვანა (8-ის ჩათვლით პლეი-ოფის ზონაა).

ბარსას მხრიდან საუკთესო თორნიკე შენგელია იყო - ჩვენი ნაკრების კაპიტანმა ვალენსიასთან 17 ქულა, 6 მოხსნა და 1 შედეგიანი გადაცემა დააგროვა (26 წუთში). თორნიკეს კარგი თამაში საკმარისი არ აღმოჩნდა და ვალენსიამ დიდი ანგარიშით გაიმარჯვა (თავად მეორე ადგილზე გავიდნენ, რეალის შემდეგ).

პლეი-ოფში ბარსელონა მეოთხეზე გასულ მურსიას დაუპირისპირდება - პირველი მატჩი მურსიაში, 2 ივნისს გაიმართება, მეორე კი ბარსელონაში - 4 ივნისს (შესაძლოა გადამწყვეტი მატჩიც გახდეს საჭირო).

იმ შემთხვევაში თუ ბარსა მურსიას დაამარცხებს, ნახევარფინალში რეალსა და ტენერიფეს შორის გამარჯვებულს შეხვდება.