ვირცის დიდებული მატჩი - კლოპი ლივერპულის ფეხბურთელით აღფრთოვანებულია
ფლორიან ვირცმა სეზონის სტარტზე მის მიმართ გამოთქმულ კრიტიკას გერმანიის ნაკრებში ბრწყინვალე თამაშით უპასუხა. გერმანიის ნაკრების 23 წლის ნახევარმცველმა ჯერ ტომ ბიშოფს გაატანინა, შემდეგ კი ულამაზესი ინდივიდუალური გოლით წერტილიც დასვა.
„ლივერპულში“ სეზონის მძიმე სტარტის შემდეგ, ვირცმა სწორედ მაშინ გაიბრწყინა, როცა ეროვნულ გუნდს ყველაზე მეტად სჭირდებოდა. ახალგაზრდა ვარსკვლავის თამაშით აღფრთოვანება იურგენ კლოპმაც ვერ დამალა და AZ-თან ინტერვიუში განაცხადა:
„ფლორიანს ისეთი სათამაშო სტილი უხდება, რისი დანერგვაც გვინდა. მგონია, დღეს „ლივერპულში“ ყველას ძალიან უხარია. ეს ბიჭი ფეხბურთით უდიდეს სიამოვნებას იღებს და წარმოუდგენლად ბევრს შრომობს“ - იურგენ კლოპი
„ენფილდზე“ აგორებული კრიტიკის ფონზე, ვირცს სანაკრებო ტაქტიკამ სრული თავისუფლება მისცა. შემოქმედებითი როლი, შეტევაში ხშირი ჩართვა და მოედნის ბოლო მესამედში თავისუფლად მოძრაობა სწორედ ის აღმოჩნდა, რაც მას პოტენციალის სრულად გამოსავლენად სჭირდებოდა.
ახლა გერმანიას კვირას საბერძნეთთან გასვლითი მატჩი ელის. ათენში წარმატებული თამაში ვირცს „მერსისაიდში“ ახალი ენერგიითა და თავდაჯერებით დააბრუნებს, რაც „ლივერპულს“ სეზონის ამ გადატვირთულ გრაფიკში ჰაერივით სჭირდება.
Alternative Angles of Florian Wirtz's goal against Serbia pic.twitter.com/RppaD4p5jm
— F N T (@FootyNTalk) October 2, 2026
სხვა სტატიები
