ზურიკო დავითაშვილის შეფასება სტრასბურის წინააღმდეგ

საფრანგეთის 31-ე ტურის შეხვედრაში "სენტ-ეტიენი" "სტრასბურთან" 3:1 დამარცხდა. თავისი გუნდიდან ერთადერთი, შესანიშნავი გოლი ზურიკო დავითაშვილმა გაიტანა.

Sofascore-მა ქართველ ფეხბურთელს 7.8 შეფასება დაუწერა, რაც "სენტ-ეტიენის" რიგებში საუკეთესო მაჩვენებელი იყო. ზურიკომ კარში ერთხელ დაარტყა და 1 გოლის გატანა მოახერხა, 3-ჯერ დარტყმული დაუბლოკეს, 6-ჯერ ჰქონდა დრიბლინგის მცდელობა და 3 წარმატებული გამოდგა, 35 გადაცემიდან 30 ზუსტი იყო, 12 ორთაბრძოლაში მიიღო მონაწილეობა და გამარჯვებული 4-ში დარჩა.

"სენტ-ეტიენი" ლიგა 1-ის ცხრილში 27 ქულით ბოლოსწინა მე-17 ადგილზეა (7 მოგება, 6 ფრე, 18 მარცხი), მომდევნო შეხვედრას ქართველი ფეხბურთელის გუნდი 3 მაისს, 23:05 საათზე "მონაკოს" წინააღმდეგ გამართავს.

ზურიკო დავითაშვილს მიმდინარე სეზონში 8 გოლი და 7 საგოლე გადაცემა აქვს.