ჟოზე მოურინიომ დიომანდეს შესახებ ისაუბრა - „მას არაფერი აკლია“
.jpg)
პორტუგალიელი მწვრთნელის, ჟოზე მოურინიოს რწმენით, იან დიომანდეს მადრიდის „რეალის“ ძირითად შემადგენლობაში რეგულარულად ასპარეზობისთვის ყველა თვისება აქვს. თუმცა, ახალგაზრდა თავდამსხმელს სასტარტო პოზიციის დამკვიდრებაში ამ ეტაპზე მხოლოდ ერთი რამ უშლის ხელს - უკიდურესად მაღალი კონკურენცია.
🚨🇨🇮 José Mourinho: “Yan Diomande has everything he needs. If he was in a team with fewer high-potential players, he'd surely play the full 90 minutes of every match”.
— Fabrizio Romano (@FabrizioRomano) September 14, 2026
“The squad is strong and has many options. Being an undisputed starter here is very difficult”. pic.twitter.com/EOdqr5j4zb
Tribuna-ს ცნობით, „რეალისა“ და „ელჩეს“ მატჩის წინ გამართულ პრესკონფერენციაზე მოურინიოს სწორედ დიომანდეს შესახებ ჰკითხეს.
„დიომანდეს არაფერი აკლია, ნებისმიერ სხვა ძლიერ კლუბში ის ყველა შეხვედრაში 90 წუთს ითამაშებდა“ - ჟოზე მოურინიო
ამასთან, „რეალის“ მთავარმა მწვრთნელმა განმარტა, რომ დიომანდეს სათამაშო დროის საკითხი თავად ფეხბურთელის შესაძლებლობებთან კავშირში არ არის. პრობლემა მხოლოდ მადრიდული გრანდის შემადგენლობაში არსებული უზარმაზარი არჩევანია.
„ჩვენ ბევრი ვარიანტი გვაქვს: დიომანდე, ვინისიუს ჟუნიორი, არდა გიულერი, ბრაჰიმ დიასი და მალე როდრიგო გოეშიც დაგვიბრუნდება. ამიტომ, რთულია გარანტირებული ადგილი გამოინახოს სასტარტო შემადგენლობაში“ - ჟოზე მოურინიო
ამ დროისთვის მადრიდის „რეალი“ ლა ლიგის სატურნირო ცხრილში მეორე პოზიციას იკავებს. გუნდს ხუთი ტურის შემდეგ 12 ქულა აქვს და ლიდერ „ბარსელონას“ სამი ქულით ჩამორჩება.
სხვა სტატიები
