ზედიზედ მეორედ - ლეო მესი MLS-ის MVP გახდა

არგენტინელი სუპერვარსკვლავი განაგრძობს მტკიცებას, რომ ასაკი მხოლოდ ციფრებია. 38 წლის მესიმ მორიგი ისტორია დაწერა და MLS-ის ისტორიაში გახდა პირველი ფეხბურთელი, რომელმაც წლის საუკეთესო ფეხბურთელის ჯილდო ზედიზედ ორჯერ მოიგო.

ლეო მესი MLS-ის MVP გახდა და ამ ყველაფერზე გავლენა ბუნებრივია იმ ფენომენალურმა სეზონმა იმოქმედა, რომელშიც არგენტინელმა ინტერ მაიამის გაჩემპიონებაში ლომის წილი დაიდო.

MLS-ის წლევანდელი სეზონის რეგულარულ ჩემპიონატში მესიმ 48 საგოლე კონტრიბუციაში მიიღო მონაწილეობა (29 გოლი, 19 ასისტი) და კარლოს ველას მიერ 2017 წელს დამყარებული რეკორდის გამეორებამდე 1 გოლი ან შედეგიანი გადაცემა დააკლდა. ლეო მესის სტატისტიკა პლეი-ოფებში ასევე შთამბეჭდავი იყო (6 გოლი, 9 ასისტი).

ლეო მესი ინტერ მაიამიში მესამე სეზონს ატარებს და ამ დროის განმავლობაში ჩატარებულ 62 მატჩში, 57 გოლი გაიტანა და 48 საგოლე გადაცემა შეასრულა.