ვან დაიკის მომავალი გაურკვეველია - ევროპული და არაბული კლუბები ლივერპულის კაპიტნით ინტერესდებიან
ლივერპული მზადაა მიმდინარე ზაფხულში ვირჯილ ვან დაიკს შეელიოს, თუ ნიდერლანდელის სანაცვლოდ კარგ შემოთავაზებებს მიიღებს. კლუბის კაპიტანი აღარ ითვლება „ხელშეუხებელ“ მოთამაშედ.
მილანი უკვე დაინტერესდა აღნიშნული ტრანსფერით, ასევე არსებობს გალათასარაის, ფენერბაჰჩეს, საუდის არაბეთისა და MLS-ის კლუბების ინტერესიც.
Liverpool are reportedly willing to listen to offers for club captain Virgil van Dijk.
— BBC Sport (@BBCSport) July 4, 2026
Latest gossip ➡️ https://t.co/oXth4o8I2k pic.twitter.com/54KlOKqz1a
ვირჯილ ვან დაიკის ტრანსფერი საუთჰემპტონიდან ლივერპულში 2018 წლის იანვარში, სარეკორდო 75 მილიონ ფუნტად, კლუბის ისტორიაში ერთ-ერთი ყველაზე გარდამტეხი მოვლენა აღმოჩნდა. მერსისაიდულ კლუბთან ერთად ნიდერლანდელმა მცველმა მრავალი ტიტული მოიგო, მათ შორის ჩემპიონთა ლიგა 2019 წელს და პრემიერ ლიგა 2020 და 2025 წლებში. ვან დაიკმა ლივერპულის მაისურით 24 გოლი გაიტანა, რაც ცენტრალური მცველისთვის შესანიშნავ სტატისტიკად ითვლება.
ლივერპული აქტიურად არ ცდილობს თავისი კაპიტნის გაყიდვას, თუმცა როგორც კლუბი, ისე ფეხბურთელი, ნებისმიერ სერიოზულ შეთავაზებას განიხილავენ.
სხვა სტატიები
