ტუხელი: ,,დარწმუნებული არ ვარ, რომ ლაციომ მოიგო''

1 წთ

მიუნხენის ,,ბაიერნის'' მთავარმა მწვრთნელმა, ტომას ტუხელმა, რომის ,,ლაციოსთან'' წაგებული მატჩი შეაფასა:

,,მარცხის გამო, იმედგაცრუებული და გაბრაზებული ვარ. ვფიქრობ, თამაში ჩვენ წავაგეთ... დარწმუნებული არ ვარ, რომ ლაციომ მოიგო.

არ ვიცი, რატომ დავკარგეთ თავდაჯერებულობა მეორე ნახევარში, მაგრამ, ფაქტია, რომ ეს ასე მოხდა, შემდეგ კი გოლიც გავუშვით. ამის ახსნა არ შემიძლია, რადგან ფეხბურთელებს ვუთხარით, რომ უფრო თამამად შეეტიათ, მაგრამ სახე ტაიმის დასაწყისშივე დავკარგეთ...

ცხადია, როცა კარში ვერ დაარტყამ, ვერ მოიგებ. თუმცა, წინ მეორე თამაში გვაქვს და შრომას გავაგრძელებთ.'' - ტომას ტუხელი

ჩემპიონთა ლიგის მერვედფინალური ეტაპის პირველ შეხვედრაში ,,ლაციომ'' ,,ბაიერნს'' უმასპინძლა და 1:0 დაამარცხა.

გუნდებს შორის საპასუხო მატჩი 6 მარტს მიუნხენში გაიმართება.

თაზო ერისთავი

სხვა სტატიები

კეინისა და ტუხელის კომენტარები - "რეალი ყველაზე შთამბეჭდავი გუნდია..."