ცნობილია, როდის გამოაცხადებს რეალი მოურინიოს დაბრუნების შესახებ

გავრცელებული ინფორმაციით, რეალმა საბოლოოდ შეათანხმა გეგმა, რომლის მიხედვითაც, მომავალი კვირის დასაწყისში კლუბი ჟოზე მოურინიოს დაბრუნების შესახებ გამოაცხადებს.

ESPN-ის ცნობით, პორტუგალიელი სპეციალისტის სამეფო კლუბში ხელახლა დანიშვნის ზუსტ თარიღად 24 ან 25 მაისი სახელდება. მანამდე რეალი 2025-2026 წლების სეზონის ბოლო მატჩს, შაბათს, ბერნაბეუზე, ბილბაოს წინააღმდეგ გამართავს.

ჟოზე მადრიდულ გრანდთან 2-წლიან კონტრაქტზე შეთანხმდა. 63 წლის მწვრთნელი რეალში 2010-2013 წლებშიც მუშაობდა და მაშინ ლა ლიგის, ესპანეთის თასისა და სუპერთასის მოგება შეძლო.

• ესპანურ მედიაში ახლახან დაიწერა, რომ მოურინიოს გამოსასყიდი თანხის სახით რეალმა ბენფიკას 3 მილიონი ევრო გადაუხადა.

• თავის მხრივ, ბენფიკა ახალ მთავარ მწვრთნელს, რუბენ ამორიმს უკვე შეუთანხმდა.