ტრამპი: "ვისკენ ვარ ვერ გეტყვით, მაგრამ მესის მიმართ დიდი სიმპატიები მაქვს"

აშშ-ის პრეზიდენტმა დონალდ ტრამპმა, მსოფლიო ჩემპიონატის ფინალის წინ, ლიონელ მესის ფენომენალურ თამაშზე ისაუბრა და აღნიშნა, რომ არგენტინის კაპიტნის წინააღმდეგ წასვლა პრაქტიკულად შეუძლებელია.

ტრამპმა Fox-ისთვის მიცემულ ინტერვიუში კონკრეტული გამარჯვებულის დასახელებისგან თავი შეიკავა, თუმცა არ დამალა, რომ „ალბისელესტეს“ ათიანი მისი სიმპათიების ცენტრშია.

ტრამპმა განსაკუთრებული ყურადღება დაუთმო ნახევარფინალურ მატჩს, სადაც არგენტინამ ინგლისი დრამატულ ბრძოლაში 2:1 დაამარცხა. ტრამპმა დეტალურად აღწერა მესის მიერ შესრულებული გადამწყვეტი პასი, რომელმაც მატჩის ბედი გადაწყვიტა.

შეგახსენებთ, რომ მსოფლიო თასის ნანატრი ფინალი ესპანეთსა და არგენტინას შორის დღეს, 19 ივლისს, თბილისის დროით 23:00 საათზე ნიუ-ჯერსის „მეტლაიფ სტეიდიუმზე“ დაიწყება. მატჩს, სხვა საპატიო სტუმრებთან ერთად, პირადად დაესწრება დონალდ ტრამპიც, რომელიც ფიფას პრეზიდენტ ჯანი ინფანტინოსთან ერთად ტურნირის გამარჯვებულს საჩემპიონო თასს გადასცემს.