ტორგან აზარი სეზონის ბოლომდე პსვ-ში ითამაშებს
1 წლის წინ
ფეხბურთი
1 წთ
დორტმუნდის ,,ბორუსიას'' ნახევარმცველი, ტორგან აზარი მიმდინარე სეზონის ბოლომდე იჯარით ,,პსვ ეინდჰოვენში'' ითამაშებს.
,,ეს შესანიშნავი გუნდია. პსვ ნიდერლანდების ჩემპიონატის ერთ-ერთი ფავორიტია, კლუბი, ასევე, ქვეყნის თასსა და ევროტურნირზე ასპარეზობს. ამ დიდ მატჩებში მონაწილეობის მიღებას მოუთმენლად ველი,'' - განაცხადა აზარმა.
მიმდინარე სეზონში ტორგან აზარის ანგარიშზე ,,ბორუსიას'' მაისურით ჩატარებულ 21 შეხვედრაში 1 გოლი იყო.
19 ტურის შემდეგ ,,პსვ'' 38 ქულით ნიდერლანდების ერედივიზიონის მესამე პოზიციაზეა და ლიდერ ,,ფეიენოორდს'' 4 ქულით ჩამორჩება.
Ladies and gentlemen, he’s here and he’s 🔴 and ⚪️#AnnounceThorgan pic.twitter.com/X021j7JsJ6
— PSV (@PSV) January 31, 2023