სერხიო რამოსი ლეგენდებს გაუთანაბრდა

UEFA-ს ჩემპიონთა ლიგის ჯგუფური ეტაპის შეხვედრაში, "სევილიასა" და "პსვ"-ს დაპირისპირება შედგა. "რამონ სანჩეს პიხუანზე" გამართული დრამატული მატჩი, მასპინძლების მარცხით, 2:3 დასრულდა, რაც იმას ნიშნავს, რომ "სევილიამ" ჯგუფიდან გასვლის ყველანაირი შანსი დაკარგა.

აღსანიშნავია, რომ "სევილია" 2:0 იგებდა, მაგრამ, შემდეგ 3 უპასუხო გოლი გაუშვა. "პსვ"-ს კარში გატანილი პირველი გოლის ავტორი კი სერხიო რამოსი გახდა, რომელმაც უნიკალური შედეგი დააფიქსირა და მსოფლიო ფეხბურთის ლეგენდებს გაუთანაბრდა.

სერხიო რამოსმა ევროპის უპრესტიჟულეს საკლუბო ტურნირზე, რიგით მე-16 გოლი გაიტანა, რითიც რობერტო კარლოსსა და ჟერარ პიკეს გაუთანაბრდა.