სპორტინგის შემადგენლობაში გიორგი ქოჩორაშვილმა პირველი მატჩი ჩაატარა

სპორტინგის რიგებში გიორგი ქოჩორაშვილის არაოფიციალური დებიუტი შედგა.

დღეს ლისაბონური კლუბი ამხანაგურ შეხვედრაში სელტიკთან 0:2 დამარცხდა. ქართველი ნახევარმცველი მატჩში 59-ე წუთზე ჩაერთო, როცა ანგარიში 0:1 იყო.

გიორგის თამაშმა პორტუგალიელ გულშემატკივრებში მოწონება დაიმსახურა. აი, რას წერენ სპორტინგის ქომაგები სოციალურ ქსელში:

• დადებითი მხარეები ამ თამაშიდან - ქოჩორაშვილი და ფრესნედა;

• ქოჩორაშვილი შესანიშნავი დამატებაა;

• ქოჩორაშვილმა იმედები არ გაგვიცრუა, კონცენტრირებულია, კარგად გადაადგილდება, დაცვაშიც გამოირჩევა და ტექნიკურიცაა;

• ამ მატჩიდან ერთადერთი დადებითი, რაც გამოჩნდა ქოჩორაშვილია, ის ახლახან ჩამოვიდა პორტუგალიაში და უკვე მზადაა, რომ ლიგაში მე-2 საუკეთესო ნახევარმცველი იყოს, პირველი მორტენ იულმანია;

• ქოჩორაშვილი ლიგის ერთ-ერთი საუკეთესო ნახევარმცველია;

• ქოჩორაშვილი ახალი კევინ დე ბრუინეა;

• ქოჩორაშვილი ნამდვილი ვარსკვლავია, მაშინვე შეამჩნევთ იმ თვისებებს, რასაც ის თამაშის დროს ავლენს: ხედვა, განსჯის უნარი, სწორი გადაწყვეტილებები და დახვეწილი ტექნიკა.

სპორტინგი მომავალ მატჩს ორშაბათს, 21 ივლისს, სანდერლენდის წინააღმდეგ გამართავს.

ქოჩორაშვილის ეფექტური პასი დღევანდელ მატჩში: