სეზონის საუკეთესო მატჩი | რა შეფასება დაიმსახურა გიორგი კვერნაძემ იუვე სტაბიასთან მატჩში?

იტალიის სერია B-ს მე-15 ტურში ფროზინონემ იუვე სტაბიას უმასპინძლა და 3:0 დაამარცხა.

მასპინძელთა ძირითად შემადგენლობაში ითამაშა გიორგი კვერნაძემ, რომელმაც მეტოქეს დუბლი შეუსრულა.

ქართველმა შემტევმა მოედანზე სულ 73 წუთი გაატარა და Sofascore-სგან მატჩში ყველაზე მაღალი, 8.5-ქულიანი შეფასება დაიმსახურა.

კვერნაძე ბურთს სულ 32-ჯერ შეეხო, კარში 2-ჯერ დაარტყა (ორივე გოლი), 14-დან 12 ზუსტი გადაცემა (86%) გააკეთა და 8-დან 2 დუელი მოიგო.

8.1-ით ქულით შეაფასა გიორგის თამაში Flashscore-მა.

15 ტურის შემდეგ, ფროზინონეს 31 ქულა აქვს და სატურნირო ცხრილის პირველ პოზიციაზეა. კვერნაძის გუნდი მომავალ შეხვედრას 14 დეკემბერს პესკარას წინააღმდეგ გამართავს.