სადებიუტო მატჩში საზონოვი ერთ-ერთი საუკეთესო იყო

იტალიის სერია A-ს მე-6 ტურის მატჩში, "ლაციოსა" და "ტორინოს" დაპირისპირება შედგა. რომში გამართული მატჩი მასპინძლების გამარჯვებით, 2:0 დასრულდა.

"ლაციოსთან" მატჩში საბა საზონოვის დებიუტი შედგა, რომელიც მოედანზე 27-ე წუთზე შევიდა და "ტორინოს" რიგებში ერთ-ერთი საუკეთესო იყო.

საბა საზონოვმა 6.5 შეფასება დაიმსახურა, რაც "ტორინოს" რიგებში მეორე საუკეთესო შედეგია. საზონოვზე მაღალი შეფასება მხოლოდ რაულ ბელანოვას ჰქონდა. აღსანიშნავია, რომ საზონოვი პასების 91%-იანი სიზუსტით გამოირჩა.