"როგორც იქნა, ნამდვილი მტაცებელი და გოლების მანქანა დავიმატეთ" - კადისის ფანები ტაბატაძეზე

კადისის ახალწვეული, იური ტაბატაძე ესპანეთის ლა ლიგა 2-ში ბრწყინვალედ თამაშობს. ტაბატაძემ კადისის მაისური მხოლოდ 2 მატჩში მოირგო. ორივე შეხვედრაში მატჩში სათადარიგოთა სკამიდან ჩაერთო და 3 გოლის გატანა შეძლო.

განსაკუთრებით პროდუქტიული რეალ სოსიედადის მეორე გუნდის წინააღმდეგ გამართული მატჩი იყო, რომელშიც ტაბატაძემ დუბლი გაიფორმა და კადისს ქულა გადაურჩინა (3:3). ქართველი ფეხბურთელის პროდუქტიულ თამაშს უყურადღებოდ არ ჩაივლია - კადისის ფანები სოციალურ ქსელში აღფრთოვანებას ვერ მალავენ და ტაბატაძეს მტაცებლად მოიხსენიებენ.

• ასეთი ფეხბურთელი მომენტალურად იგებს ფანების გულებს.

• სათადარიგოთა სკამიდან შემოვიდა და 2 დიდებული გოლი გაიტანა. მიუხედავად ამისა შედეგით უკმაყოფილო იყო - ის საოცრად ქარიზმატულია.

• როგორც იქნა, ნამდვილი გოლების მანქანა და მტაცებელი დავიმატეთ.

• 2 გოლი გაიტანა და შეხედეთ, როგორი უკმაყოფილოა მატჩის სასურველი შედეგით ვერ დასრულების გამო - ის ჩემი ფავორიტი ფეხბურთელია.