როდრის მადრიდის რეალში თამაში სურს

„Es Radio“-ს ჟურნალისტის, სერხიო ვალენტინის ინფორმაციით, მადრიდის რეალმა პოზიცია შეცვალა და მსოფლიო ჩემპიონატის დასრულების შემდეგ კვლავ დაინტერესებულია მანჩესტერ სიტის ნახევარმცველის, როდრის, ტრანსფერით.

მთავარ მწვრთნელ ჟოზე მოურინიოს სურს, გუნდს კიდევ ერთი ნახევარმცველი დაემატოს, რომელიც თამაშის ტემპის კონტროლს შეძლებს. სწორედ ამიტომ, მადრიდის რეალმა კვლავ გადაწყვიტა, 30 წლის ესპანელის ტრანსფერზე იმუშაოს.

წყაროს ცნობით, თავად როდრის სამეფო კლუბში გადასვლა სურს. მისი მოქმედი კონტრაქტი სიტისთან მომავალ ზაფხულს იწურება, რაც ნიშნავს, რომ ინგლისური კლუბი შესაძლოა ამ ზაფხულს დათანხმდეს მის გაყიდვას, მით უმეტეს, რომ პეპ გვარდიოლას წასვლის შემდეგ გუნდის შემადგენლობის განახლებას გეგმავს.