რას აპირებს ბაიერნი ოლისესთან დაკავშირებით?

მიუნხენის ბაიერნი, მაიკლ ოლისესთვის ახალი, მომგებიანი კონტრაქტის შეთავაზებას აპირებს, რათა თავიდან აიცილოს რეალ მადრიდის მხრიდან არასასურველი ინტერესი. ბუნდესლიგის კლუბს გადაწყვეტილი აქვს შეინარჩუნოს ფრანგი ვინგერი. მისი ხელფასის მნიშვნელოვნად გაზრდით და კონტრაქტის 2031 წლამდე გახანგრძლივებით, 'რეკორდმაისტერი' ვარაუდობს, რომ წასვლა ოლისესაც არ მოუნდება.

ოლისემ, საფრანგეთის ნაკრებში, მსოფლიო ჩემპიონატი ფანტასტიკურად დაიწყო. ერაყთან 3:0 გამარჯვებაში ორი საგოლე გადაცემა გააკეთა და სენეგალის წინააღმდეგაც გამოიჩინა თავი საგოლე პასით. მის შთამბეჭდავ სანაკრებო თამაშებს ერთვის ბაიერნის შემადგენლობაში გაკეთებული 26 საგოლე გადაცემა და ბრწყინვალე საკლუბო სეზონი.

ფლორენტინო პერესმა ცოტა ხნის წინ მიანიშნა 150 მილიონი ევროს გადახდაზე პრემიერ ლიგის გარეთ მყოფი ფეხბურთელისთვის, რომელიც, ესპანელის უარყოფის მიუხედავად, მიიჩნევა, რომ ოლისეა. პარი სენ-ჟერმენიც ინტერესდება მისით, თუმცა „ბილდის“ ცნობით, ბაიერნმა ნათლად განაცხადა, რომ ის არანაირ ფასად არ გაიყიდება.

საჯაროდაა ცნობილი, რომ ოლისე ძალიან მოსწონს რეალის ახალ მთავარ მწვრთნელს, ჟოზე მოურინიოსაც, ის გერმანიის თასის ფინალს პირადად ესწრებოდა. მადრიდელების პრეზიდენტის მთავარი წინასაარჩევნო დაპირებაც ის იყო, რომ გუნდში უდიდეს ვარსკვლავს მიიყვანდა.