რა შეფასება დაიმსახურა ოთარ კიტეიშვილმა ბოდო გლიმტთან მატჩში?

ჩემპიონთა ლიგის შესარჩევი ეტაპის პლეი-ოფის საპასუხო მატჩში ოთარ კიტეიშვილის შტურმმა ბოდო გლიმტს 2:1 მოუგო (2 მატჩის ჯამში შტურმი მეტოქესთან 2:6 დამარცხდა).

ქართველმა ფეხბურთელმა ავსტრიული გუნდის ძირითად შემადგენლობაში ითამაშა და მოედანი 58-ე წუთზე დატოვა.

კიტემ Sofascore-სგან 6.8-ქულიანი შეფასება მიიღო. 29 წლის ნახევარმცველმა, რომელიც ბურთს სულ 37-ჯერ შეეხო, 2-დან 2 დუელი მოიგო და 31-დან 25 (81%) ზუსტი გადაცემა გააკეთა.

6.7 ქულით შეაფასა კიტეიშვილის თამაში Flashscore-მა.

ბოდო გლიმტმა ჩემპიონთა ლიგის საგზური გაიფორმა, შტურმი კი ბრძოლას ევროპა ლიგაზე გააგრძელებს.