პსჟ-ს შეტევაში ბარკოლა დააკლდება | ფრანგის ტრავმა საკმაოდ მძიმეა
საფრანგეთის ეროვნული ნაკრებისა და პსჟ-ს 23 წლის შემტევმა - ბრედლი ბარკოლამ, ჩელსისთან დაპირისპირებისას ტრავმა მიიღო, რომელიც როგორც აღმოჩნდა საკმაოდ მძიმეა და იგი მოედანზე 1 თვე ვერ ითამაშებს.
ის დაშავდა ბრაზილიელი ფორვარდის - ჟოაო პედროს უხერხული თამაშის შედეგად, ჩელსისთან 3-0 მოგებულ მატჩში.
ოთხშაბათს, პსჟ სამშობლოში დაბრუნდა და ბარკოლას სამედიცინო კვლევები ჩაუტარდა. ჩატარებულმა ტესტებმა დიაგნოზი დაადასტურა და იმის მიხედვით, თუ როგორ განვითარდა მოვლენები, რეაბილიტაცია მინიმუმ ერთ თვემდე გაგრძელდება.
საფრანგეთი 23 წლის ფეხბურთელის გარეშე იქნება მომავალ კვირას შეერთებულ შტატებში გასამართ ტურნეზე, სადაც 'მამლები' ბრაზილიასთან 26 მარტს და კოლუმბიასთან 29 მარტს ამხანაგურ მატჩებს გამართავს.
🚨⚠️ Bradley Barcola has suffered severe ligament sprain on his right ankle during match vs Chelsea.
— Fabrizio Romano (@FabrizioRomano) March 18, 2026
He is set to be unavailable for the coming weeks, PSG confirm.
Barcola will also miss France call. 🇫🇷❌ pic.twitter.com/CusmQCTXUC
პსჟ მის გარეშე იქნება ლიგა 1-ის შემდეგი მინიმუმ სამი მატჩის განმავლობაში, ნიცასთან, ტულუზთან და ლანსთან, ასევე ჩემპიონთა ლიგაზე მეოთხედფინალური მატჩების დროს, რომელიც 7/8 აპრილს და 14/15 აპრილს არის დაგეგმილი.
სხვა სტატიები
