პსჟ-ს ჩემპიონობამდე 1 ქულა აშორებს | კვარამ შეცვლაზე ითამაშა

საფრანგეთის ლიგა 1-ის 33-ე ტურში პსჟ-მ ბრესტს უმასპინძლა და 1:0 დაამარცხა. ეს პარიზელების ბოლო საშინაო მატჩი იყო მიმდინარე სეზონში. ტურნირის დასრულებამდე 2 მატჩია დარჩენილი და პსჟ ლანსს 6 ქულით უსწრებს - ლუის ენრიკეს გუნდს მხოლოდ 1 ქულა უნდა ჩემპიონობის გასაფორმებლად, მაგრამ ისიც სათქმელია, რომ თუნდაც პსჟ-მ ორივე წააგოს და შესაბამისად ლანსმა ორივე მოიგოს, ძნელად წარმოსადგენია, პარიზელებმა ჩემპიონობა ხელიდან გაუშვან (გოლების სხვაობა წყვეტს/პსჟ-ს ლანსთან შედარებით, 15 გოლით უკეთესი მაჩვენებელი აქვს).

ბრესტთან შეხვედრაში, ლუის ენრიკემ როტაციას მიმართა და შედეგად, გუნდს გაუჭირდა კიდეც. ესპანელმა მწვრთნელმა დუე, დემბელე და კვარაცხელია მე-60 წუთიდან ჩართო შეხვედრაში - ერთადერთი გოლი დეზირე დუემ, ულამაზესი დარტყმით, 82-ე წუთზე გაიტანა.

ამ შეხვედრაში პსჟ-მ პირველად მოირგო ფორმა, რომელიც 2026/27 წლების სეზონისთვისაა გათვლილი.