პირველად ბოლო 17 წლის განმავლობაში - არსენალმა ტოტენჰემის ანტირეკორდი გაიმეორა

პრემიერლიგის 34-ე ტურში ,,არსენალმა'' ,,კრისტალ პალასს'' უმასპინძლა, შეხვედრა ფრედ, ანგარიშით 2:2 დასრულდა.

ეს იყო მე-9 შემთხვევა მიმდინარე სეზონში, როცა მიკელ არტეტას გუნდი იგებდა, თუმცა საბოლოოდ მატჩი ფრედ დაასრულა. შედეგად, ,,მეთოფეებმა'' ,,ტოტენჰემის'' ანტირეკორდი გაიმეორეს - 2007-2008 წლების სეზონში ,,დეზებმა'' ასევე 9-ჯერ ვერ მოიპოვეს 3 ქულა ისეთ მატჩში, რომელშიც იგებდნენ.

34 ტურის შემდეგ, ,,არსენალს'' 67 ქულა აქვს და სატურნირო ცხრილის მე-2 პოზიციაზეა. ლონდონური კლუბი ლიდერ ,,ლივერპულს'', რომელსაც 5 მატჩი აქვს დარჩენილი, 12 ქულით ჩამორჩება. შესაბასმისად, თუ ,,მერსისაიდელები'' კვირას საკუთარ მოედანზე ,,ტოტენჰემთან'' არ წააგებენ, ინგლისის ჩემპიონები გახდებიან.