"ჩელსის" ფრენკი დე იონგის დამატება სურს და მზად არის ფეხბურთელში 80 მილიონი ევრო გადაიხადოს. შეთანხმების მიღწევამდე სულ ცოტა დრო რჩება და არაა გამორიცხული ნიდერლანდელი ინგლისში ლურჯი მაისურით ვიხილოთ.
დე იონგს დიდი ხნის განმავლობაში "მანჩესტერ იუნაიტედთან" აკაშვირებდნენ, მაგრამ, როგორც ჩანს, ლონდონელებმა კატალონიურ კლუბთან საერთო ენის გამონახვა შეძლეს. "არისტოკრატები" ცდილობენ, რომ შეთანხმება უახლოეს დღეებში შედგეს და ტრანსფერიც მალევე გაოფიციალურდეს. ინფორმაციას სპორტული გამოცემა SPORT-ი ავრცელებს.
