პენალტის დარტყმის წესი იცვლება? - IFAB-ში საკითხზე უკვე მსჯელობენ
ცვლილება ფეხბურთში, რომელზეც ლეგენდარული იტალიელი მსაჯი, პიერლუიჯი კოლინა ჯერ კიდევ რამდენიმე თვის წინ საუბრობდა, კვლავ აქტუალურია.
Sky Sports-ის ინფორმაციით, ფეხბურთის მესვეურები აქტიურად განიხილავენ, რომ თერთმეტმეტრიანის დარტყმის წესი შეიცვალოს და ცვლილება ძალაში 2026 წლის მსოფლიო ჩემპიონატზე შევიდეს.
საუბარია ე.წ ,,1 დარტყმის'' წესზე, როგორც პენალტების სერიაშია - თუ ფეხბურთელი თერთმეტმეტრიანს ვერ გამოიყენებს, ბურთი მის მეტოქეს გადაეცემა.
საბოლოო გადაწყვეტილება უნდა მიიღოს IFAB-მა (ფეხბურთის ასოციაციის საერთაშორისო საბჭო), რომელზეც კოლინა ამბობდა, რომ ორგანიზაციაში ამას უკვე განიხილავენ:
,,პენალტის შესრულების დროს, ვფიქრობ, რომ თავდამსხმელებს მეკარეებთან შედარებით, ზედმეტად დიდი უპირატესობა აქვთ. საშუალოდ თერთმეტმეტრიანების 75% პირველივე დარტყმით გადის, ფეხბურთელს კი იმის შანსიც აქვს, რომ მეკარის მოგერიების შემდეგ დაამატოს.
ამ თემაზე უკვე IFAB-შიც ვიმსჯელეთ. ერთ-ერთი გამოსავალი ,,1 დარტყმის'' წესია - ისე, როგორც პენალტების სერიაშია. არანაირი დამატება - ან გოლს გაიტან ან თამაში კარიდან გაგრძელდება.'' - კოლინას კომენტარი მიმდინარე წლის თებერვალში
There could be some big law changes ahead of the 2026 World Cup next summer... 👀
— Sky Sports Football (@SkyFootball) July 17, 2025
Football lawmakers are reportedly considering drastic changes including tweaks to how much VAR can intervene in play. pic.twitter.com/uBljBBE4Tx
სხვა სტატიები
.32.webp)
