ოფიციალურად | სეზონის ბოლოს მარსელინიო ვილიარეალს დატოვებს
ვილიარეალისა და მარსელინიოს გზები გაიყოფა - ამის შესახებ ესპანურმა გუნდმა სოციალურ ქსელში ინფორმაცია ოფიციალურად დაადასტურა და დაწერეს, რომ სეზონის ბოლოს ესპანელ მწვრთნელს დაემშვიდობებიან.
𝗖𝗢𝗠𝗨𝗡𝗜𝗖𝗔𝗗𝗢 𝗢𝗙𝗜𝗖𝗜𝗔𝗟: @Marcelino
— Villarreal CF (@VillarrealCF) May 4, 2026
El Villarreal CF y el entrenador asturiano separarán sus caminos a final de temporada.
Gracias, de corazón, Marce, por todo lo que has dado a este club y a esta afición. Te deseamos lo mejor en tus futuros proyectos deportivos. pic.twitter.com/HebnNLZcio
ვილიარეალი მადლობას უხდის მარსელინოს და მის სამწვრთნელო შტაბს მათი პროფესიონალიზმის, ერთგულებისა და პირველივე დღიდან შრომისმოყვარეობისთვის, ასევე ყოველდღიური თავდადებისთვის და გუნდის განვითარებაში შეტანილი წვლილისთვის იმ შვიდი სეზონის განმავლობაში, როდესაც ის გუნდს ორ ცალკეულ პერიოდში ხელმძღვანელობდა (2013-2016 და 2023-2026).
მარსელინიო კლუბის ისტორიაში ყველაზე მეტი მატჩის მქონე მწვრთნელი გახდა - ყველა შეჯიბრში 298 თამაშით დაასრულა და დღემდე 145 გამარჯვებით კლუბის ისტორიაში ყველაზე მეტი გამარჯვების მფლობელია.
ასევე, მარსელინიო გახდა პირველი მწვრთნელი ვილიარეალის ისტორიაში, რომელმაც კლუბი ჩემპიონთა ლიგაზე ზედიზედ ორ სეზონში გაიყვანა.
ამ ეტაპისთვის უცნობია, თუ რატომ ემშვიდობება ვილიარეალი 60 წლის მთავარ მწვრთნელს, თუმცა განცხადებაში წერია, რომ ეს გადაწყვეტილება ორმხრივი ურთიერთშეთანხმების შემდეგ მიიღეს.
სხვა სტატიები
