მუდრიკს 4-წლიანი დისკვალიფიკაცია ემუქრება

უკრაინის ეროვნული ნაკრებისა და ლონდონის ჩელსის შემტევს, მიხაილო მუდრიკს, ინგლისის ფეხბურთის ასოციაციამ დოპინგის გამოყენების გამო ბრალდება წაუყენა:

შეგვიძლია დავადასტუროთ, რომ მიხაილო მუდრიკს ბრალი წაუყენეს ანტიდოპინგური წესების დარღვევაში. ვინაიდან, საქმის გამოძიება მიმდინარეობს, დამატებით ინფორმაციის ვერ გავავრცელებთ.

FA-ს წესდების თანახმად, ბრალდების დადასტურების შემთხვევაში, უკრაინელს 4-წლიანი დისკვალიფიკაცია ემუქრება.

თავად ფეხბურთელი აკრძალული პრეპარატის მიღებას არ ადასტურებს და აცხადებს, რომ დოპინგზე გასული წლის აგვისტოშიც შეამოწმეს.

დროებითი დისკვალიფიკაციის გამო, მუდრიკს ჩელსის შემადგენლობაში 2024 წლის ნოემბრის შემდეგ არ უთამაშია.