მესისთან შეხვედრის დროს ატირებული ჟურნალისტი - "ამ დღეზე ვოცნებობდი"
არგენტინელი ჟურნალისტი - პაბლო გირალტი, მთელი ცხოვრება ოცნებობდა, რომ ლეო მესის შეხვედროდა. ცხოვრებისეული ოცნების ახდენის შემდეგ, ჟურნალისტმა ემოციების მოთოკვა და ცრემლების შეკავება ვერ შეძლო.
48 წლის ჟურნალისტს შესაძლებლობა მიეცა არგენტინელ სუპერვარსკვლავს შეხვედროდა და მასთან ინტერვიუ ჩაეწერა. მსოფლიო ჩემპიონატზე საუბრის დაწყების წინ, გირალტმა ცრემლები ვერ შეიკავა და მესის უთხრა:
"მთელი ცხოვრება ამ დღეზე ვოცნებობდი, თუმცა, ვერასდროს წარმოვიდგენდი, რომ ვიქნებოდი საკმარისად იღბლიანი იმისათვის, რომ ოცნება ამხდენოდა. ვერასდროს წარმოვიდგენდი, რომ შენ შეგხვდებოდი. მთელი გულით მადლობას გიხდი".
.@giraltpablo got emotional interviewing Messi 🥹❤️
— All About Argentina 🛎🇦🇷 (@AlbicelesteTalk) October 21, 2022
pic.twitter.com/2JdMvwpRH9
არგენტინელმა სუპერვარსკვლავმა ჩვეული თავმდაბლობა გამოიჩინა და ჟურნალისტს გულშემატკივრობისათვის მადლობა გადაუხადა.
"ძალიან დიდი მადლობა. აღფრთოვანებული ვარ, რომ შენნაირ ადამიანთან შეხვედრის შესაძლებლობა მომეცა. არგენტინაში და მთელს მსოფლიოში უამრავი ადამიანია, რომელიც მხარს მიჭერს და მაღმერთებს, არა მხოლოდ საფეხბურთო შესაძლებლობების - არამედ ჩემი პერსონალური თვისებების გამო".