მესი ალ ჰილალის წარმომადგენლებს პირველ მაისს შეხვდება
,,პარი სენ ჟერმენის'' თავდამსხმელი, ლეო მესი ,,ალ ჰილალის'' წარმომადგენლებთან შეხვედრას გეგმავს. ინფორმაციას ჟურნალისტი - რუდი გალეტი ავრცელებს.
წყაროს ცნობით, მხარეებს შორის შეხვედრა პირველ მაისს, პარიზში, ,,პსჟ-სა'' და ,,ლორიენის'' მატჩის შემდეგაა ჩანიშნული. არაბული გუნდი არგენტინელ ვარსკვლავს ხელფასის სახით სეზონში 400 მილიონ დოლარს სთავაზობს, რაც ფეხბურთის ისტორიში ყველაზე მაღალი ანაზღაურება იქნება.
ამ ეტაპზე მესი ,,პსჟ-სთან” კონტრაქტის გახანგრძლივებას არ აპირებს. ბოლო დროს მისი კატალონიის ,,ბარსელონაში” შესაძლო დაბრუნების შესახებ კი სულ უფრო და უფრო მეტი იწერება.
საუდის არაბეთის პრო ლიგის კიდევ ერთმა გუნდმა, ,,ალ ნასრმა” იანვარში კრიშტიანუ რონალდუ გაიფორმა, რომლის ანაზღაურება წელიწადში 200 მილიონი ევროა.
მიმდინარე სეზონში მესის ანგარიშზე ,,პარი სენ ჟერმენის” მაისურით ჩატარებულ 36 შეხვედრაში 20 გოლი და 19 საგოლე გადაცემაა.
🚨🤝 #Messi, a new meeting with #AlHilal representatives will take place in Paris on May 1st, the following day of the match between #PSG and #Lorient.
— Rudy Galetti (@RudyGaletti) April 22, 2023
📌 The 🇸🇦 club will confirm the intention of making him the highest-paid player in football history (ca $400m/season). 🐓⚽ pic.twitter.com/bTmiEfsWTw
სხვა სტატიები
