მანჩესტერ იუნაიტედმა კლუბის ისტორიაში უდიდესი შემოსავალი მიიღო

მანჩესტერ იუნაიტედმა რეკორდული შემოსავალი მიიღო და ეს იმ ფონზე, როცა 51 წლის განმავლობაში ყველაზე ცუდი სეზონი ჰქონდა.

„წითელმა ეშმაკებმა“ უახლესი ფინანსური შედეგები გამოაქვეყნეს, რომელიც მათი თქმით, აჩვენებს „კლუბის სიძლიერესა და მდგრადობას“, ასევე მიღებული რთული გადაწყვეტილებების სარგებელს, კერძოდ, დამატებით 200 თანამშრომლის გათავისუფლებას.

იუნაიტედმა 2025 წლის 30 ივნისს დასრულებული წლისთვის 666.5 მილიონი ფუნტი სტერლინგის (909 მილიონი აშშ დოლარი) შემოსავალი მიიღეს. ეს მხოლოდ მცირე ზრდა იყო (4.7 მილიონი აშშ დოლარი ან 0.7 პროცენტი) წინა წელთან შედარებით, მაგრამ ეს საკმარისი აღმოჩნდა წინა რეკორდის მოსახსნელად. ყველაზე დიდი ზრდა (10%-ით) კომერციულ შემოსავალში დაფიქსირდა, რაც კლუბის Snapdragon-თან მაისურის წინა მხარეს სპონსორობის (მსოფლიო სპორტში ამ ტიპის ყველაზე ძვირადღირებული გარიგების) და SCAYL-თან ახალი ელექტრონული კომერციის დანერგვის შედეგი იყო.

მანჩესტერმა 51.5 მილიონი ფუნტი სტერლინგი დაზოგა ოპერაციული ხარჯების შემცირებისა და თანამშრომლების ხარჯების 14.1%-იანი შემცირების წყალობით. ეს ნაწილობრივ განპირობებული იყო კლუბის მიერ თანამშრომლების გათავისუფლებით, რასაც „კლუბის ფართო რესტრუქტურიზაციას“ უწოდებენ, თუმცა მთავარი ფაქტორი იყო ფეხბურთელების ხელფასების 25%-ით შემცირება (რაც ჩემპიონთა ლიგაზე ვერ მოხვედრამ განაპირობა).