ლუის სუარესი: 'ლივერპულში მხეცი ვიყავი, მაგრამ ბარსაში რაღაცების სწავლა დამჭირდა'

ლუის სუარესი ლივერპულსა და ბარსელონაში გატარებულ დროს იხსენებს. მისი აზრით, ლივერპულში ინდივიდუალურად გაცილებით კარგი იყო, თუმცა ბარსაში გუნდურად თამაში ისწავლა და ამან განვითარების საშუალება მისცა.

ურუგვაელი ლივერპულს აიაქსიდან, 2011 წლის იანვარში შეუერთდა და სწრაფად მოხიბლა ენფილდის მაყურებელი, ლივერპულში თამაშის დროს 133 თამაშში 82 გოლი გაიტანა, მათ შორის 31 გოლი 2013/14 წლების სეზონში (პრემიერ ლიგაში), როდესაც „წითლები“ ​​ინგლისის ჩემპიონატის მოგებასთან ახლოს იყვნენ.

სუარესმა, 2014 წლის ზაფხულში, ბარსელონაში გადასვლის შემდეგ, ლა ლიგის 4 ტიტული, ჩემპიონთა ლიგა, კლუბების მსოფლიო ჩემპიონატი და ესპანეთის 4 თასი მოიგო, თავდამსხმელმა 283 თამაშში 198 გოლი გაიტანა.