ლუის ენრიკემ დემბელე დასაჯა | ოქროს ბურთის მფლობელი 1 კვირით 'დაისვენებს'
პარიზული გრანდის მთავარმა მწვრთნელმა - ლუის ენრიკემ, უსმან დემბელე პარი სენ-ჟერმენის განაცხადიდან დაუყოვნებლივ ამოიღო. ფრანგული ავტორიტეტული მედიასაშუალებების, მათ შორის 'RMC'-ის ცნობით, ფრანგი თავდამსხმელი კლუბს 1 კვირით 'ჩამოშორდა'.
სიტუაცია კვირას გამართული მატჩის შემდეგ დაიძაბა, სადაც რენსა და პსჟ-ს შორის შეხვედრა ფრედ (2:2) დასრულდა. ენრიკემ დემბელე შესვენებაზევე შეცვალა, რაც ფეხბურთელმა საკმაოდ უარყოფითად მიიღო და უკმაყოფილება ღიად გამოხატა.
მსოფლიო ჩემპიონატის შემდეგ დემბელემ შვებულება ნაადრევად შეწყვიტა, რათა ლუის ენრიკეს განკარგულებაში რაც შეიძლება სწრაფად ჩამდგარიყო, თუმცა ახლა ესპანელმა სპეციალისტმა მას დროებით დასვენება და განტვირთვა მოსთხოვა, რადგან მისი თამაში და ხასიათი ძალიან არ მოეწონა.
🚨 𝗠𝗔𝗝𝗢𝗥 𝗕𝗥𝗘𝗔𝗞𝗜𝗡𝗚: There is a PROBLEM between Ousmane Dembélé and PSG. This week of rest looks more like a serious PUNISHMENT.
— The Touchline | 𝐓 (@TouchlineX) August 26, 2026
The fact that PSG released an official statement specifically announcing that he will only return to training on Monday shows that this is… pic.twitter.com/VQGSlzTvaz
ოქროს ბურთის მფლობელი ოთხშაბათისა და ხუთშაბათის სავარჯიშო პროცესს გამოტოვებს. გარდა ამისა, იგი განაცხადში არ იქნება პარასკევს, ლილის წინააღმდეგ გასამართ შეხვედრაშიც.
მიუხედავად შექმნილი ვითარებისა, ფრანგული მედია ირწმუნება, რომ მწვრთნელსა და ფეხბურთელს შორის ურთიერთობა საბოლოოდ გაფუჭებული არ არის - ენრიკესა და დემბელეს შორის პირისპირ საუბარი უკვე შედგა.
ცნობისთვის, კვირას გამართულ მატჩში 45 წუთის შემდეგ მოედანი მხოლოდ დემბელეს არ დაუტოვებია. პირველი ტაიმის შემდეგ ლუის ენრიკემ ხვიჩა კვარაცხელიაც შეცვალა, რომლის ადგილზეც თამაშში მიკა გოდტსი ჩაერთო.
სხვა სტატიები
