ლუის ენრიკე: "ჩემი გუნდი მაშინ ცოცხლდება, როცა ყველას განწირული ჰგონია"

საფრანგეთის ლიგა 1-ის მეორე ტურში, ლილმა პსჟ-ს უმასპინძლა და შეხვედრა ფრედ, 2:2 დასრულდა. პარიზელებმა პირველ ტურშიც 2:0-დან გადაარჩინეს შეხვედრა (2:2 რენთან) და ახლაც იგივე სცენარი განმეორდა.

დავიდე ანჩელოტის ლილი შეხვედრას სრულად აკონტროლებდა. მასპინძლები ჰაკონ ჰარალდსონის მიერ გახსნილი ანგარიშითა და შეცვლაზე შესული დილან ბაკვას ბრწყინვალე, ეფექტური დარტყმით იგებდნენ, თუმცა 91-ე წუთზე ვიტინიას შორეულ გასროლას, მარკინიოსის მიერ თავით გატანილი გოლი მოჰყვა, რამაც მასპინძლებს გამარჯვება ხელიდან გამოგლიჯა. ეს დრამატული 'ქამბექი', ლიგა 1-ის ბოლო 60 სეზონის განმავლობაში, მხოლოდ მეორე შემთხვევა გახდა, როდესაც გუნდი კომპენსირებულ დროში, ორბურთიანი ჩამორჩენის მიუხედავად, არ დამარცხდა (ნიცა 2:2 ლიონი - სტუმრები იგებდნენ/ 2011 წლის 3 აპრილი).

ლუის ენრიკემ, ამ შემობრუნებასთან დაკავშირებით, საინტერესო განცხადება გააკეთა.

ლუის ენრიკემ ხვიჩა კვარაცხელია მეორე ტაიმის სტარტზე შეიყვანა მოედანზე, დემბელე საერთოდ არ ათამაშა, ხოლო ბარკოლა განაცხადშიც არ ყოფილა (პსჟ-დან წასვლის ჭორების ფონზე).

შემდეგ ტურში პარიზელები პირველად ითამაშებენ საკუთარ მოედანზე და მონაკოს მიიღებენ.