ლუის ენრიკე: ,,კვარას აქვს უნარი, რომ რთულ მომენტში პასუხისმგებლობა საკუთარ თავზე აიღოს''

პარი სენ ჟერმენის მთავარმა მწვრთნელმა, ლუის ენრიკემ, ლივერპულთან მოგებული მატჩი შეაფასა:

პარი სენ ჟერმენის მთავარ მწვრთნელს ჟურნალისტმა ხვიჩა კვარაცხელიას სტაბილურ თამაშზეც ჰკითხა, რაზეც ესპანელმა სპეციალისტმა უპასუხა:

კვარა ყველა ტურნირზე ერთი და იგივეა. ის ახალგაზრდა მოთამაშეა, მაგრამ უკვე დიდი გამოცდილება აქვს. ევროპის ყველაზე მნიშვნელოვან ტურნირზე ყოველთვის განსხვავებული მენტალიტეტია საჭირო და ის ამას ყოველ მატჩში ამტკიცებს.

ის არის ფეხბურთელი, რომელსაც შეუძლია თამაშის ბედი მარტომ გადაწყვიტოს. მას აქვს უნარი, რომ რთულ მომენტში პასუხისმგებლობა საკუთარ თავზე აიღოს. როდესაც ასეთი დონის ტურნირზე თამაშობ, გჭირდება მოთამაშეები, რომლებიც წნეხის ქვეშ არ იცვლებიან და კვარა სწორედ ასეთია - ის სტაბილურია, საიმედოა და ყოველთვის მზად არის ბრძოლისთვის.

ჩემპიონთა ლიგის მეოთხედფინალური ეტაპის პირველ შეხვედრაში პარი სენ ჟერმენმა ლივერპულს უმასპინძლა და 2:0 დაამარცხა.

გუნდებს შორის საპასუხო მატჩი მომავალ სამშაბათს, ლივერპულში გაიმართება.