ლუის ენრიკე: "გრაფიკი ევროპელებისთვის კარგია, მაგრამ გუნდები იტანჯებიან"

პსჟ-მ მსოფლიოს საკლუბო ჩემპიონატი მარტივი გამარჯვებით დაიწყო. B ჯგუფის პირველ შეხვედრაში, პარიზული გუნდი მადრიდის ატლეტიკოს შეხვდა და მეტოქე 4:0 გაანადგურა. შეხვედრის შემდეგ, პარიზელთა მთავარმა მწვრთნელმა, ლუის ენრიკემ, სათამაშო პირობებზე გაამახვილა ყურადღება.

პსჟ-სა და ატლეტიკოს შორის მატჩი, ლოს ანჯელესში 12 საათზე დაიწყო, რათა ევროპაში ჩემპიონთა ლიგის დროს დამთხვეოდა (21:00), თუმცა სათამაშო პირობები ოპტიმალურისგან შორს იყო. 30 გრადუსზე მეტი ტემპერატურა და 60%-იანი ტენიანობა ფეხბურთელებს ჩვეულ ტემპში თამაშის საშუალებას არ აძლევდა.