ლუჩანო სპალეტი: ამ გუნდის პოტენციალის და საკუთარი შესაძლებლობების მჯერა"
1 თვის წინ
ფეხბურთი
1 წთ
ლუჩიანო სპალეტიმ ტურინის იუვენტუსის მთავარ მწვრთნელად დანიშვნის შემდეგ ვრცლად და საინტერესოდ ისაუბრა.
"შესანიშნავი გრძნობაა. ყველამ ვიცით ამ დიდებული კლუბის ისტორია და მისი ორგანიზებულობა, მაგრამ როდესაც უშუალოდ მასში ხარ, ნამდვილად გრძნობ მის სიდიადეს.
აბსოლუტურად პატივს ვცემ იუვენტუსის ამჟამინდელ პოზიციას ცხრილში და მინდა ჩემი თბილი მოკითხვა გადავცე იგორ ტუდორს. მქონდა მასთან შეხვედრის სიამოვნება და ვიცი, როგორ მუშაობს. დარწმუნებული ვარ, რომ ვიპოვი კარგად დაბალანსებულ გუნდს და ვიბრძოლებთ ჩვენი მიზნების მისაღწევად. მინდა მადლობა გადავუხადო გენერალურ დირექტორ კომოლის ჩემი წარდგენისას თბილი სიტყვებისთვის და რა თქმა უნდა, აქ ყოფნის შესაძლებლობისთვის.
ჩემთან ერთად ოთხი კოლეგა მოვიყვანე, რადგან ყველანი ვიცნობთ ერთმანეთს ფეხბურთის სამყაროში და იუვენტუსს პერსონალის ყველა სხვა ნაწილი ჰყავს, რომელიც სამუშაოს კარგად შესასრულებლად გვჭირდება. ისინი, ვინც ამ თავგადასავალში ჩემთან ერთად იქნებიან, არიან მარკო დომენიჩინი, ჯოვანი მარტუსჩელო, სალვატორე რუსო და ფრანჩესკო სინატი.
დარწმუნებული ვარ, რომ ამ გუნდს აქვს პოტენციალი და საკუთარი შესაძლებლობების წარმატების მჯერა.
ახლა აუცილებელი იქნება, რომ მობილიზებულები გავხდეთ, რადგან ჩვენი მოწინააღმდეგეები კარგად თამაშობენ. გოლები აუცილებელია, რადგან თამაშების მოსაგებად გოლის გატანაა საჭირო. შემტევი ფეხბურთი კიდევ ერთი მნიშვნელოვანი თვისებაა, მაგრამ მთავარია გამართული გუნდი, რომელმაც იცის თუ როგორ უნდა იმოძრაოს მოედანზე. ეს ჩემთვის ძალიან საინტერესო გამოწვევაა.
არ ვიცი, რამდენად დიდ გავლენას მოახდენს, მაგრამ ვიცი, როგორ მოვიქცევი დილით გაღვიძების მომენტიდან საღამოს დაძინებამდე და ვეცდები, ეს განწყობა ჩემს მოთამაშეებში ჩავნერგო.
პრიორიტეტად ჩემპიონთა ლიგაზე გასვლა რჩება, მაგრამ იმედი მაქვს, რომ სკუდეტოსთვის რბოლაშიც დავბრუნდებით და ეს არის ის, რაც გუშინ გასახდელში ფეხბურთელებს ვუთხარი. ეს უნდა იყოს ჩვენი განზრახვა, რადგან მხოლოდ ცხრა თამაშია ჩატარებული და კიდევ 29 დაგვრჩა. ვიმეორებ, რომ ამ ფეხბურთელებს აბსოლუტურად პატივს ვცემ", - ამბობს ლუჩანო სპალეტი.
ლუჩანო სპალეტის კარიერის განმავლობაში ემპოლის, სამპდორიას, ვენეციას, უდინეზეს, რომას, ანკონას, სანქტ-პეტერბურგის ზენიტის, ინტერის, ნაპოლისა და იტალიის ნაკრების მთავარ მწვრთნელად აქვს ნამუშევარი. სხვა წარმატებებთან ერთად, სპალეტის კარიერაში გამორჩეული ხვიჩა კვარაცხელიას ტრიუმფალურ სეზონში, ნაპოლის გაჩემპიონება ერთ-ერთი მთავარი მიღწევაა.
სხვა სტატიები
